29 sentabr kuni O‘zbekiston Respublikasi Vazirlar Mahkamasi huzuridagi Makroiqtisodiy va hududiy tadqiqotlar instituti binosida 13 ta tahliliy markazlar vakillari uchun OTB xalqaro media va kommunikatsiya eksperti Beruniy Alimov tomonidan o‘tkazilgan So‘rovnoma taqdimoti bo‘lib o‘tdi. Tadbirni OTBning O‘zbekistondagi direktori Kanokpan Lao-Araya va IMRS direktori Umid Abidxo‘jaev kirish so‘zlari bilan ochdi. “Tadqiqotdan qaror qabul qilsihgacha: O‘zbekistonda bilim va tadqiqot kommunikatsiyasi madaniyatini baholash” so’rovnomasi qator muhim maqsadlarga qararilgan. Jumladan tahlil markazlari, keng jamoatchilik va ommaviy axborot vositalari o‘rtasida mavjud muloqotdagi tafovutni aniqlash, shuningdek, qaror qabul qiluvchilar va boshqa asosiy auditoriyalar orasida muhim maslahatlarini samarali targ‘ib qilish bo‘yicha tadqiqot institutlarining ehtiyojlarini baholash. Seminarda Orolbo‘yi xalqaro innovatsiya markazi vakillari ham ishtirok etdi. Davra suhbati tadqiqot kommunikatsiyalari sohasida salohiyatni oshirish tashabbuslarini davom ettirish zarurligini aniqladi.