Сув ресурслари ва тупроқларни барқарор ва комплекс бошқариш жамиятнинг барқарор ривожланиши учун ҳал қилувчи аҳамиятга эга. Бу ресурсларни барқарор бошқариш бўйича мумкин бўлган ечимлар бўйича қўшма тадқиқотларга нафақат алоҳида эътибор қаратиш, балки олий ўқув юртларида ёш олимларни тегишли тарзда тайёрлашга ҳам алоҳида эътибор қаратиш зарур. Шу муносабат билан 15 август куни Тупроқшунослик институти директори Георг Гуггенбергер бошчилигидаги Германиянинг. Готфрид Вилгелм Лейбниц номидаги Ганновер университети талабаларидан иборат делегация Ўзбекистон Республикаси Президенти ҳузуридаги Оролбўйи халқаро инновация марказига ташриф буюришди. Ўқув амалиёти Қозоғистон ва Ўзбекистоннинг тупроқ ва сув ресурслари, улардан фойдаланиш ва юзага келаётган экологик муаммолар, шунингдек, янада барқарор бошқарув вариантларини ишлаб чиқишга қаратилган. Жорий ўқув амалиёти дастури кўп жиҳатдан ҳамкорликдаги фаолият ва тадқиқот ва ўқитишдаги қизиқишларга қаратилган. Ўқув амалиётларида нафақат германиялик талабалар, балки ҳамкор таълим муассасалари талабалари ҳам қатнашадилар. Ўқиш вақти ҳар доим ҳамкор институтлар билан ҳамкорликда ишлаб чиқилади ва кетма-кет мезбон мамлакатда ва Германияда бўлиб ўтади. Учрашувнинг биринши кунида делегация Марказ томонидан амалга оширилаётган лойиҳалар ва Қорақалпоғистон қишлоқ хўжалиги ва агротехнологияси институти фаолияти билан танишдилар. Сафари давомида делегациянинг Мўйноқ тумани ва Орол денгизининг қуригана тубида бўлиши ҳам режалаштирилган.