Xójeyli rayonında tabıslı ótken oqıw -seminarı juwmaqları boyınsha “Qaraqalpaqstandıń degradatsiyaga dus kelgen aymaqlarında turaqlı awıl xojalıǵı sistemasın rawajlandırıw” xalıq aralıq joybarı sheńberinde áne sonday ilaj Kegeyli rayonında da bolıp ótti.
Seminar Xalıq aralıq biosho’rlanıw awıl xojalıǵı orayı (ICBA), Qaraqalpaqstan Respublikası ministrler Keńesi, Ekologiya, átirap -ortalıqtı qorǵaw hám ıqlım ózgeriwi ministrligi, Aralbo’yi xalıq aralıq innovciyalıq orayı hám Qaraqalpaqstan awıl xojalıǵı ilimiy-izertlew institutı sherikliginde, Abu -Dabi rawajlanıw fondı járdeminde dúzildi.
Kegeyli rayonında ótkerilgen seminarda fermerler, dıyxan xojalıqları wákilleri, tamarqa jer iyeleri, ilimpazlar, jas qánigelerden ibarat 130 dan artıq qatnasıwshı qatnasdı. Qatnasıwshılar kebirlengen jerlerde hasıldarlıqtı asırıw, suwdı tejeytuǵın texnologiyalardı engiziw, awıl xojalıǵın ıqlım ózgeriwine maslastırıw usılları menen tanıstı. Seminardıń zárúrli minutalarınan biri shorlanıwǵa shıdamlı 12 túrdegi perspektivalı eginlerdiń urıqların tarqatıw boldı, bul bolsa jergilikli fermerlerge ósimlikler jetistiriwdiń jańa usılların sınap kóriwge járdem beredi. Qaraqalpaqstandıń túrli rayonlarında ótkerilgen bir qatar soǵan uqsas seminarlar awıl xojalıǵın qayta tiklewge kompleks jantasıw zárúrligin tastıyıqlaydı. Xalıq aralıq sherikler qollap-quwatlawı hám innovciyalıq sheshimlerdi qollanıw etiw sebepli fermerler óz fermer xojalıqları xasıldarlıqların asırıw ushın real quralların ıyelep atır. ICBA hám Aralbo’yi xalıq aralıq innovciya orayı wákilleri turaqlı awıl xojalıǵı salasında kadrlar tayarlaw hám ilimiy izertlew programmasın jáne de keńeytiw regiondaǵı ekologiyalıq hám ekonomikalıq jaǵdaydı sezilerli dárejede jaqsılawǵa járdem beriwine isenim bildirdi.
