Qaraqalpaqstan Respublikasında jer ónimliligin qayta tiklew hám aldıńǵı agrotexnologiyalarni engiziwge qaratılǵan “Qaraqalpaqstandıń degradatsiyaga dus kelgen aymaqlarında turaqlı awıl xojalıǵı sistemaların rawajlandırıw” xalıq aralıq joybarın ámelge asırıw dawam etpekte.

Joybar sheńberinde Xalıq aralıq biosho’rlanıw awıl xojalıǵı orayı (ICBA), Qaraqalpaqstan Respublikası ministrler Keńesi, Ekologiya, átirap -ortalıqtı qorǵaw hám ıqlım ózgeriwi ministrligi, Aralbo’yi xalıq aralıq innovatsiya orayı hám Qaraqalpaqstan awıl xojalıǵı ilimiy-izertlew institutı menen sheriklikte Abu -Dabi Fund fondı járdeminde oqıw programması baslandı.

Xójeyli rayonında rayon hákimligi járdeminde ótkerilgen oqıw seminarında fermerler, dıyxan xojalıqları wákilleri, tamarqa jer iyeleri, jaslar qatnastı. Ilajlarda jámi 120 dan artıq qatnasıwshı qatnasdı. Seminardı ICBA Bas direktorı doktor Tarifa Alzaabi (onlayn) ashıp berdi hám ol ıqlım ózgeriwi hám jer degradatsiyasi aqıbetlerin saplastırıw ushın innovciyalıq texnologiyalardı engiziw zárúrligini aytıp ótdi.

Aralbo’yi xalıq aralıq innovatsiyalar orayı direktorı Baxitjan Xabibullaev joybardıń zárúrligini aytıp, usı baslamanı ámelge asırıwda shet ellik sherikler menen jaqın baylanısda ekenligi, sonıń menen birge, Aralbo’yining salmaqli sharayatına arnawlı maslastırılǵan shet el ósimlik sortlarınan paydalanıwdı aytıp ótdi.

Ilajlar dawamında qatnasıwshılar degradatsiyaga dus kelgen topraqlardı qayta tiklewdiń zamanagóy usılları, suwdı tejewshi texnologiyalardan paydalanıw hám resursların nátiyjeli basqarıw boyınsha maǵlıwmatlarǵa iye bolıp, kóbeytiw ushın 12 túrdegi sınaqtan ótken eginler urıqların aldı. Tiykarǵı itibar awıl xojalıǵın ózgeriwshen ıqlım sharayatlarına maslastırıwǵa qaratildi, bul bolsa uzaq múddette Qaraqalpaqstandaǵı ekologiyalıq hám ekonomikalıq jaǵdayǵa unamlı tásir kórsetedi.