Aralboyı eko-systemasın bekkemlew hám de aymaqtıń eksport potencialın asırıw maqsetinde Aralboyı xalıqaralıq innovatciya orayı, Germaniya xalıq aralıq sheriklik jámiyeti (GIZ), Ekologiya, átirap -ortalıqtı qorǵaw hám ıqlım ózgeriwi ministrligi hám de Qaraqalpaqstan Respublikası Joqarǵi Kengesi sherikliginde iri joybar – “Qaraqalpaqstan sharayatında gúnji sortların tańlaw hám dáslepki tuqımgershilik qánigesilikti shólkemlestiriw” joybarın ámelge asırıw baslandı.

 Joybardıń tiykarǵı maqseti – regiondıń agroıqlım sharayatlarına maslastırılǵan, joqarǵı eksport darejesine iye hámde joqarı zúráátli kunjut sortların jaratıw bolıp tabıladı. Gúnji – dúnyadaǵı eń qımbatlı maylı eginlerden biri bolıp, onıń urıwında 68% ge shekem may, 22% belok hám 18% ge shekem eriytuǵın uglevodlar bar. Gúnji mayı azıq-awqat sanaatında da, kosmetika salasında da úlken talapǵa iye. Usı egin 1 gektardan 30 -35 million swmgacha dáramat alıw imkaniyatın beredi.

Joybar sheńberinde 30 dan artıq mámleketten 218 gúnji úlgisi alıp kelińan bolıp, olar tiykarında regionlıq sharayatlarǵa uyqas, básekige shıdamlı túrlerdi jaratıw boyınsha tańlap alıw jumısları alıp barılmaqta. Ásirese, mexanizatsiyalastırılgan jıyın-terimge uyqas túrlerdi islep shıǵıwǵa bólek itibar qaratılıp atır. Arnawlı tańlap alınǵan túrler qabıqshasınıń jarılıwǵa shıdamlılıǵı hám bir ırǵaqta jetilisiwi menen ajralıp turadı.

 Joybar tekǵana agrar, bálki ekonomikalıq áhmiyetke de iye. Gúnji óniminiń xalıq aralıq bazarlarda joqarı talapǵa iye ekenligi esapqa alınıp, aymaqtıń eksport potencialın asırıw hám qosımsha valyuta túsimlerin tartıw joybarlastırılǵan.

Sonıń menen birge, joybar sheńberinde Aralboyı innovatsiya orayınıń aldıńǵı tájiriybesin fermer xojalıqları arasında keń jayıw, aymaqta turaqlı awıl xojalıǵı rawajlanıwın támiyinlew, xalıq bandligini asırıw hám ıqlım ózgerislerine maslasıwshanlıqtı kúsheytiw názerde tutılǵan.