2025-jıl 20 -yanvar kúni Kazaxstan Respublikasınıń Qızılo’rda qalasında USAID’ning ” Qurigan Aral teńizi túbiniń eko systemasın qayta tiklew II” (ERAS-II) joybarı sheńberinde trening bolıp ótti. Bul ilajda 50 den artıq jergilikli fermerler, ilimiy xızmetkerler hám tamarqa menen shuǵıllanatuǵın hayallardıń innovciyalıq agrobiyosheshimlerin ǵárezsiz qóllaw boyınsha potencialın asırıw maqset etilgen edi. Treningning tiykarǵı maqseti qatnasıwshılardıń tábiyiy resurslardan turaqlı paydalanıw usılları boyınsha bilim hám kónlikpelerin rawajlandırıw edi. Ásirese, kebirlengen hám degradatsiyaga dus kelgen jer sharayatlarına maslasıwshı sheshimlerdi engiziwge itibar qaratildi, bul bolsa Aralboyı aymaǵında ekologiyalıq teń salmaqlılıqtı qayta tiklew hám agroekonomikalıq jaǵdaynı jaqsılawǵa járdem beredi. Treningda tómendegi temalar kóterildi:
- Suw natiyjeliligin asırıw texnologiyaları, qurǵaqshıl ıqlım sharayatında suw resurslarınan aqılǵa say paydalanıwdı támiyinleydi.
- Organikalıq tóginler hám turaqlı awıl xojalıǵı usılları, topıraq hám ekotizim salamatlıǵın saqlawǵa kómeklesedi.
- Qurǵaqshıl hám kebirlengen jerlerde intensiv bog’dorchilik, quramalı aymaqlarda hasıldarlıqtı asırıw hám awıl xojalıǵın turaqlı etiwge xızmet etedi.
Aralboyı xalıq aralıq innovciyalıq orayı ekspertleri óz xızmetleri dawamında erisken nátiyjeleri haqqında tolıq túsindiriw jumısları alıp barıldı. Olar óz shıǵıwlarında Aralboyı sharayatında natiyjeliligin tastıyıqlaǵan innovciyalıq jantasıwlar hám tabıslı ámeliyatlardı tolıq kórsetip berdiler. Ilaj aymaqtıń ekologiyalıq turaqlılıǵındı qayta tiklew jolında zárúrli qádem boldı. Sonıń menen birge, jergilikli jámiyetshiliktiń ekologiyalıq hám ekonomikalıq mashqalalardi sheshiw boyınsha bilim hám kónlikpelerin bekkemlewge xızmet etdi.
