7-12 iyul kúnleri 1000 den artıq jetekshi ilimpazlar hám xalıq aralıq shólkemler wákilleri qatnasıwında global ıqlım ózgeriwi hám suw resurslarini basqarıw boyınsha OSC 2024 ilimiy simpoziumi bolıp ótti. Simpoziumda Yaponiya Pán hám Texnologiya Agentligi (JST) hám Yaponiya xalıq aralıq sheriklik agentligi (JICA) qáwenderliginde ámelge asırılıp atırǵan SATREPS programması tárepinen qollap -quwatlanatuǵın xalıq aralıq sherikliktegi izertlew joybarlarına itibar qaratildi.
Yaponiyanıń Sapporo qalasında bolıp ótken bul Global ilimiy konferensiya sheńberinde Aralbo’yi xalıq aralıq innovatsiya orayı direktorı B. Xabibullaev hám professor TANAKA Kenji “Íqlımǵa shıdamlı innovciyalıq texnologiyalardı islep shıǵıw hám olardıń natiyjeliligin monıtorıń qılıw hám baqlaw” temasında lekciya etdiler. Aralbo’yida suwdan paydalanıw hám shorlanıwdıń awıl xojalıq eginleri zúráátliligine hám xalıq turmıs tárizine tásiri”. Ózbekstanda regiondaǵı ekologiyalıq jaǵdaynı jaqsılaw boyınsha ámelge asırılıp atırǵan ilajlar talqılawına bólek itibar qaratılıp, konferensiya qatnasıwshılarına Ózbekstan Respublikası Prezidenti hám húkimeti tárepinen ekologiya salasında ámelge asırılıp atırǵan reformalar, unamsız tásirinlerdi saplastırıw boyınsha jumıslar menen tanıstırıldı.
Íqlım ózgeriwi hám suw tańsıqlıǵı sıyaqlı global mashqalalardi sheshiwge qaratılǵan SATREPS programması Yaponiya hám rawajlanıp atırǵan mámleketler arasındaǵı xalıq aralıq ilimiy sheriklikti rawajlandırıwǵa járdem beredi. Bul sheriklik nátiyjeli strategiyalar hám sheshimlerdi islep shıǵıw ushın aldıńǵı tájiriybeler, texnologiyalar hám ilimiy maǵlıwmatlar almaslaw imkaniyatın beredi.
” SATREPS programması ilimiy jámiyetshilikti bólewde hám sherikliktegi izertlew hám innovatsiyalar arqalı global mashqalalardi sheshiwde zárúrli rol oynaydı”, dedi JST wákili. “JICA menen birgeliktegi umtılıw-háreketlerimiz tekǵana Yaponiya, bálki dúnya boylap rawajlanıp atırǵan mámleketlerge de payda keltiretuǵın turaqlı sheshimlerdi jaratılıwma qaratılǵan”.
OSC 2024 de qatnasıw ilimpazlar, siyasatshılar hám jámiyetshilik wákillerine turaqlı keleshekke erisiw ushın aktual mashqalalardi talqılaw hám xalıq aralıq sheriklikti bekkemlew imkaniyatın beredi.
