Akvakultura hám gidroponikani integraciyalasqan dıyxanshılıq iskerligine birlestirgen zamanagóy akvaponika awıl xojalıǵın turaqlı rawajlandırıwdıń tiykarǵı texnologiyasına aylanıp atır. BMT Rawajlanıw programması járdeminde Aralbo’yi xalıq aralıq innovatsiya orayı tárepinen balıq hám awıl xojalıǵı ónimlerin jetistiriwdiń dástúriy usıllarına nátiyjeli alternativ bolǵan sanalı akvaponik sistema jaratıw joybarı baslamashıları bolıp, tabıslı ámelge asırıldı. Bul aldıńǵı sistema regiondaǵı awıl xojalıǵı turaqlılıǵın hám ónimliligin asırıw, usınıń menen birge átirap -ortalıqqa minimal tásirdi támiyinlewge qaratılǵan.
Resursların tejew – bul sistemanıń tiykarǵı abzallıǵı. Suw tutınıwı dástúriy awıl xojalıǵına salıstırǵanda 90% ga azayadı, bul suw zárúrli bolǵan regionda zárúrli tabıs esaplanadı. Akvaponik sistema suwdan ılajı bolǵanınsha nátiyjeli paydalanadı, bul balıq hám ósimlikler arasındaǵı simbiozga múmkinshilik beredi. Bul tekǵana resursların tejew, bálki awıl aymaqların rawajlandırıw ushın jańa múmkinshilikler jaratadı. Ózbekstan Respublikasında ámelge asırılıp atırǵan “Qaraqalpaqstan Respublikasında akvaponika sistemasınıń kórgezbeli-oqıw bazasın jaratıw” joybarı tekǵana azıq-túlik ónimleri óndiriste jańa múmkinshiliklerdi kórsetip beredi, bálki turaqlı awıl xojalıǵı usıllarınan paydalanǵan halda regionlıq potencialdı asırıwǵa qaratılǵan.
Usı texnologiya tiykarında bir máwsimde 5 tonnadan artıq palız eginleri, atap aytqanda, qulupnay, salat hám basqa túrdegi ónimler jetistiriw joybarlastırılǵan. Bul jergilikli xalıqtı turaqlı dáramat dáregi hám to’yimli azıq-túlik menen támiyinlew imkaniyatın beredi. Sanalı akvaponik sistemaǵa tiykarlanǵan integraciyalasqan agroakvafarmalar awıl xojalıǵınıń keleshegin ańlatadı. Olar joqarı jemisdorlikni, resursların tejewdi hám turaqlı protein tutınıwın támiyinleydi, bul texnologiyanı awıl rawajlanıwında zárúrli elementke aylantıradı. Sanalı akvaponik sistemanıń engiziliwi tekǵana aymaqtaǵı ekologiyalıq jaǵdaynı jaqsılaw, bálki jańa jumıs orınlarındı jaratıw, jergilikli xalıqtıń turmıs dárejesin asırıw hám turaqlı awıl xojalıǵın rawajlandırıwǵa salmaqlı úles qosıw imkaniyatın beredi. Bul joybar global mashqalalardi sheshiwde innovciyalıq texnologiyalardan tabıslı paydalanıwdıń úlgisi boladı.
